【在亂世裡請不忘保持理性思考】
呢半年嚟「不割蓆不分化」已經變成萬能key
猶如洗腦一般植入每個香港人腦中。
一開頭我覺得係一件好事，可以達到和勇不分
後來呢句說話慢慢變成唔需要理性思考嘅藉口。
之前嘗試同朋友討論下某啲社運KOL嘅怪行為
朋友覆「anyway不割蓆不分化」
又想講某間黃色餐廳真係唔係幾好食⋯
「anyway不割蓆不分化」⋯
我決，不，同勇武/同路人割蓆
但我哋必須時刻保持理性、保持思考
不然我哋同無腦藍絲盲目當黑警係英雄無咩分別。
千其唔好將「不割蓆不分化」變成擋箭牌
變成拒絕接受一切批評同意見嘅理由
否則呢句說話只會變成「天下無不是之父母」一樣
被好多人利用成「不進步、不思考、不改變」嘅藉口。
永遠記得，不割蓆前提係對方要同你坐埋同一張蓆
兄弟爬山前提係兩個人係爬緊同一座山。
大家各自為呢場抗爭出力，方法不拘
但如果有心人要利用呢場抗爭食人血饅頭
呢張蓆要割得快割得狠。
請，保持理性思考
唔好做一個無腦黃絲，
不然你只係一隻油上黃色油漆嘅港豬。
和勇不分，不代表，是非不分。
IG：@hkgirlfriend
FB：港女友
Search